Пра гэта паведамілі тэлеграм-канал Baza і ТАСС.
У адміністрацыі Краснадарскага краю пазьней паведамілі, што ва ўпраўленьне МНС паведамленьне аб здарэньні паступіла ў 8:38. Пацярпелых няма, пэрсанал быў эвакуаваны. Плошча пажару склала 60 квадратных мэтраў. Цяпер яго лякалізавалі і зьліквідавалі адкрытае гарэньне. Прычыны ўзьнікненьня пажару высьвятляюцца.
«Супрацоўнікі НПЗ кажуць, што дывэрсанты падарвалі пятую ўстаноўку пры дапамозе самаробнай выбуховай прылады», — сьцьвярджае тэлеграм-канал Mash. Паводле інфармацыі выданьня, іх затрымалі. Афіцыйнага пацьверджаньня гэтай інфармацыі пакуль няма.
Ноччу 4 траўня бесьпілётнікі ўжо нанесьлі ўдар па рэзэрвуары Ільскага нафтаперапрацоўчага заводу, ад чаго здарыўся пажар, які патушылі за некалькі гадзін.
