Як паведаміў у сваім тэлеграм-канале прэм’ер-міністар Украіны Дзяніс Шмыгаль, урад ухваліў адпаведнае рашэньне і даручыў Міністэрству інфраструктуры, Дзяржаўнай авіяцыйнай службе і дзяржаўнаму прадпрыемству «Украерорух» забясьпечыць ягонае выкананьне.
Дзяніс Шмыгаль удакладніў, што ўкраінскім авіякампаніям і самалётам забараняецца выконваць палёты ў паветранай прасторы Беларусі. Дзяржаўная памежная служба Ўкраіны атрымала загад у мытных пунктах аэрапортаў спыніць афармленьне пасажыраў, якія прыбываюць зь Беларусі або накіроўваюцца ў Беларусь.
«Сытуацыя з прымусовай пасадкай самалёта кампанія Ryanair у Менску зьяўляецца парушэньнем Канвэнцыі пра міжнародную цывільную авіяцыю. Рашэньне нашага ўраду накіравана на гарантыю бясьпекі палётаў і пасажыраў», — заявіў украінскі прэм’ер.
У той жа час Дзяніс Шмыгаль нічога не паведаміў аб тым, ці застаецца магчымасьць беларускай авіякампаніі ажыцьцяўляць палёты ва Ўкраіну.
