Вось гэты ліст цалкам:
1. Я вельмі паважліва стаўлюся да сваёй жонкі і да яе намаганьняў. І раблю ўсё, каб яна пра гэта ведала.
2. Мая грубасць учора выяўлялася ня столькі ў думках, колькі ў інтанацыі. Ведаю за сабой гэты грэх. Гэтая ж прамалінейная інтанацыя была маім галоўным палітычным інструмэнтам у 2020 годзе.
3. Той факт, што я не высыпаюся, хвалююся і ўзьвінчаны, не апраўдвае маіх манераў ва ўчорашняй сытуацыі на плошчы ў Нью-Ёрку.
4. Я злаваўся на тое, што мяне спрабуюць выкарыстоўваць. Выкарыстоўваць талісманам. Ня кажуць ні пра мэты, ні пра расклад сустрэч і інтэрвію. Не цікавяцца маім меркаваньнем.
5. Я сапраўды хацеў паўтары гадзіны пабыць разам з беларусамі і Сьвятланай. Пра інтэрвію на CNN мяне паставілі перад фактам за 20 хвілін да стрыму. Яно было непрадбачаным, нязначным, а можа і шкодным у дадзеным палітычным кантэксьце. Такое інтэрвію дакладна ня трэба было прызначаць на той жа час, што і даўно заплянаваную сустрэчу з дыяспарай.
6. Мы занадта часта разыходзімся ў меркаваньнях з атачэньнем Сьвятланы. Гэта праблема.
Я ўсьведамляю, што павінен вырашыць гэтую праблему зь мінімальнымі выдаткамі для нашай агульнай справы.
Шчыра ваш, Сяргей Ціханоўскі.
Форум